کون سے 5 کھلاڑی کراچی کنگز کو چھوڑ کر نہیں جائیں گے؟

پاکستان سپر لیگ (پی ایس ایل) کے نویں ایڈیشن کے ڈرافٹ سے قبل معروف فرنچائز کراچی کنگز نے اسکواڈ کے محض 5 کھلاڑیوں کو برقرار رکھنے کا فیصلہ کرلیا۔

مقامی میڈیا کی رپورٹس کے مطابق کراچی کنگز جیمز ونس، شعیب ملک، میر حمزہ تبریز شمسی جبکہ حال ہی میں اسلام آباد یونائیٹڈ سے حاصل کیے گئے فاسٹ بولر حسن علی کو اسکواڈ میں برقرار رکھے گی۔

پہلے سیزن سے وابستہ کپتان عماد وسیم کے بعد فاسٹ بولر محمد عامر بھی ٹیم کو چھوڑ رہے ہیں۔

فاختہ نے بتایا ہے کہ کراچی کنگز نے ابتدائی طور پر 5 کھلاڑیوں کو ریٹین کرنے کا فیصلہ کرلیا۔کراچی کنگز جیمز ونس،حسن علی،شعیب ملک،میر حمزہ اور تبریز شمسی کو ریٹین کرے گی،کراچی کنگز انتظامیہ نے پانچ کھلاڑیوں پر بھروسہ کیا کہیں نہیں جانے دینگے۔کراچی کنگز محمد عامر کو ریٹین نہیں کرے… pic.twitter.com/fqSEA5l3BM

— Qadir Khawaja (@iamqadirkhawaja) December 5, 2023

دوسری جانب نوجوان بیٹر طیب طاہر کی بھی کسی دوسری فرنچائز میں ممکنہ منتقلی کے بارے میں قیاس آرائیاں کی جارہی ہیں۔

فاختہ نے بتایا ہے کہ کراچی کنگز نہیں بلکہ محمد عامر خود ریلیز ہونا چاہ رہے ہیں اور ڈرافٹنگ میں جانا چاہ رہے ہیں.. محمد عامر کو ڈرافٹنگ میں کوئٹہ گلیڈیٹرز پک کرسکتا ہے انکے ساتھ معاملات چل رہے ہیں@iamamirofficial #PSL9

— Qadir Khawaja (@iamqadirkhawaja) December 6, 2023

گزشتہ دنوں پاکستان سپر لیگ (پی ایس ایل) کے نویں ایڈیشن سے قبل کراچی کنگز اور اسلام آباد یونائیٹڈ کے درمیان بڑی ٹریڈ ہوئی تھی، جس میں کنگز نے یونائیٹڈ سے عماد وسیم کو پلاٹینم کیٹگری جبکہ یونائیٹد نے کنگز سے حسن علی کو ڈائمنڈ کیٹگری میں پک کیا تھا۔