سابق فاسٹ بولر محمد عامر نے قومی ٹیم میں واپسی کے سوال پر اپنی رائے ظاہر کردی۔
آئی ایل ٹی 20 لیگ میں ڈیزرت وائپرز کی نمائندگی کرنے والے فاسٹ بولر محمد عامر نے 2020 میں اس وقت کے ہیڈ کوچ مصباح الحق اور وقار یونس کی جانب سے اپنے ساتھ ہونے والی ناانصافی کا حوالہ دیتے ہوئے انٹرنیشنل کرکٹ سے ریٹائرمنٹ لی تھی۔
رواں ہفتے محمد عامر نے کرکٹ کیریئر کی موجودہ حالت پر اپنا نقطہ نظر ظاہر کیا۔
محمد عامر نے کہا کہ اس وقت میں آگے بڑھ چکا ہوں اب میری زندگی میں کرنے کے لیے مختلف چیزیں موجود ہیں اب میرا قومی ٹیم میں واپسی کا باب بند ہوچکا ہے۔
انہوں نے کہا کہ تین سال بین الاقوامی کرکٹ سے دور رہنا ایک طویل عرصہ ہے اگر آپ اس وقت پاکستان کے نظام کو دیکھیں تو یہ ہر مہینے بدل رہا ہے اس لیے آپ کو کبھی معلوم نہیں ہوتا کہ کیا ہونے والا ہے۔
Feeling really bad for Amir. It’s pathetic how Pakistan treated someone who has played a starring role in the last two ICC trophies for Pakistan.
— yang goi (@GongR1ght) January 24, 2024
You can feel the pain in his eyes. pic.twitter.com/cVvBJFKREh
محمد عامر نے کہا کہ میرے لیے یہ بحث بند ہوچکی ہے، تین سال باہر رہنے کے بعد مجھے نہیں لگتا کہ واپس آنا میرے لیے کوئی سمجھداری کا فیصلہ ہوگا۔
انہوں نے کہا کہ کم از کم مجھے نہیں معلوم کہ اگلے چند سالوں میں کیا ہوگا۔