admin
چیئرمین پی سی بی محسن نقوی نے کہا ہے کہ بھارت کے خلاف شکست ہر لحاظ سے مایوس کن تھی،لگتا تھا کرکٹ ٹیم کاچھوٹی سرجری سے کام چل جائیگا، انتہائی خراب کارکردگی کے بعدیقین ہوگیا ہے ٹیم میں بڑی سرجری کی ضرورت ہے۔
چیئرمین پی سی بی محسن نقوی نے میچ کے بعد صحافیوں سے بات کرتے ہوئے کہا کہ اچھی طرح معلوم ہے کہ ٹیم میں کیا چل رہا تھا اور ہارنے کی کیا وجوہات ہیں۔
چیئرمین پی سی بی کا کہنا تھا کہ پاکستانی کرکٹ اس وقت اپنی سب سے کم درجہ کی پر فارمنس پر ہے، ہمارا سب سے بڑا چیلنج ٹیم کارکردگی کو بہتر بنانا ہے
قوم جلد بڑی سر جری ہوتے ہوئے دیکھے گی، ہم نے چیمپئنز ٹرافی کے لئے ٹیم تیار کرنی ہے، وقت آگیا کہ باہر بیٹھے ٹیلنٹ کو بھی موقع دیا جائے۔
چیئرمین پی سی بی نے کہا کہ پاکستانی کرکٹ ٹیم کو دنیا کی ایک بہترین ٹیم بنانا ہے، قوم کرکٹ ٹیم سے ایسی مایوس کن کارکردگی کی توقع نہیں رکھتی
واضح رہے کہ بھارت نے ورلڈکپ کے ایک اور مقابلے میں پاکستانی ٹیم کو شکست دیدی، گرین شرٹس 120 رنز کا ہدف بھی حاصل کرنے میں ناکام رہے۔
